मम प्यारी वृषभानुदुलारी,

(ठाकुर युगल किशोर...)

मम प्यारी वृषभानुदुलारी,

पिय नँदनंदन बनवारी।

Source page 173

मम प्यारी बरसाने वारी,

पिय राधावर गिरिधारी।

मम प्यारी अति भोरी भारी,

पिय नटखट नट तनुधारी।

मम प्यारी नथ बेसर वारी,

पिय कारी कामरि धारी।

मम प्यारी सिर चूनरि वारी,

पिय छवि मोर मुकुट वारी।

मम प्यारी नीलाम्बर सारी,

पिय छवि पीताम्बर वारी।

मम प्यारी छवि पिय ते प्यारी,

पिय छवि प्यारी ते प्यारी।

मम प्यारी छवि पर पिय वारी,

पिय छवि पर वारी प्यारी।

मम प्यारी “कृपालु” सुकुमारी,

पिय प्यारी पर बलिहारी॥

मेरी प्यारी सदा किशोरी,

मेरो प्रियतम सदा किशोर।

Source page 174

मेरी प्यारी पिय चित चोरी,

मेरो पिय, प्यारी चित चोर।

मेरी प्यारी रतिरस बोरी,

मेरो पिय रसिकन सिरमोर।

मेरी प्यारी भोरी भारी,

मेरो पिय नटखट बरजोर।