जय जय बरसाने वारी प्यारी प्यारी प्यारी,

(मन भूल मत जइयो...)

जय जय बरसाने वारी प्यारी प्यारी प्यारी,

जय जय वृंदाविपिन बिहारी बनवारी।

वारी वारी सुकुमारी भोरी भारी प्यारी,

वारी वारी बनवारी कुंजबिहारी।

Source page 110

मेरी ऐसी भोरी भारी सुकुमारी प्यारी,

जापै वारी बनवारी छैेल बिहारी।

मेरी बरसाने वारी प्यारी प्यारी प्यारी,

जाके पाछे चलें लख लख ब्रजनारी।

मेरी ऐेसी बरसाने वारी सुकुमारी,

पाछे पाछे पिय बोलें “जय हो जय हो प्यारी”।

जय जय भानुनंदिनी जय जय नँदनंदन,

जय जय ब्रज गोपीजन, जय जय वृंदावन।

जय जय त्रिभुवन वंदन नँदनंदन,

जय जय ब्रज रसिकन जन जीवनधन।

मेरी ऐसी ठकुरानी ब्रजरसखानी,

करें कोटि कमला भवानी अगवानी।

मेरी ऐसी राधारानी रूपरसखानी,

जाको पदरज चह सारँग पानी।