Skip to main content
चलु मन श्री वृन्दावन धाम,
(भजु मन मेरे आठो...)
चलु मन श्री वृन्दावन धाम,
जहँ विहरत नित श्यामा श्याम।
श्यामा श्याम संग ब्र्रजबाम,
नित नवरस बरसत ब्रजधाम।
मेरे ठाकुर श्यामा श्याम,
मोहिँ न चहिय बैकुंठहुँ धाम।
मेरे ह्वै गये लाड़लि लाल,
सब विधि हम भये मालामाल।
चलु मन गहवर कुंजलतान,
लली चरन चापत भगवान।
चलु मन श्री बरसानो गाम,
जहँ चाकर बनि रह घनश्याम।
Source page 161
अलख निरंजन रूप न नाम,
सोइ अंचल पट लिपट्यो बाम।
चलु चंचल मन गोकुल ग्राम,
लखु दृग अंचल चंचल श्याम।
भज “कृपालु” मन श्यामा श्याम,
ब्र्रजवनितनि जनु बनि निष्काम।
❦
Source, meanings & reading links