अलबेली सरकार वृषभानुदुलार।

(मन तेरो साँचो..)

अलबेली सरकार वृषभानुदुलार।

जाको चाकर नागर नन्दकुमार।

जाकी अगवानी कर ब्रजराजकुमार।

जाको गुन गन गावें मुरलिहिं रिझवार।

जाके रोम रोम बह ब्रजरस धार।

जासों अजित ब्रह्म ने मानी हार।

जाको चरण पलोटत हरि बलिहार।

जाके द्वार बँटत रह नित्य प्यार।

जाकी चरनन रज हरि निज सिर धार।

जाके पग बहाव हरि अँसुवन धार।

जाको वेद कहत माधुर्य सार।

जाको भेद न पायो वेद चार।

जाकी लीला अद्भुत अपरम्पार।

जाके रह दीनन आदर दरबार।

जेहि कह ह्लादिनि शक्तिहिं अवतार।

कहु अपनो मोहिं “कृपालु” इक बार।