जो पिय रुचि महँ रुचि राखे, प्रेमरस सोई चाखे रे।

(नित सेवा माँगूँ...)

जो पिय रुचि महँ रुचि राखे, प्रेमरस सोई चाखे रे।

जेहि कर्म न नेकहुँ भावे रे,

जेहि ज्ञानहुँ नाहिं सुहावे रे,

जो योग दूरि करि राखे, प्रेमरस सोई चाखे रे।

जो स्वर्ग नरक सम जाने रे,

जो मुक्ति पिशाचिनि माने रे,

नहिं ऋद्धि सिद्धि उर राखे, प्रेमरस सोई चाखे रे।

जो मधुर भाव अपनावे रे,

यामें चारिहुँ भाव समावे रे,

जो निज सुख उर नहिं राखे, प्रेमरस सोई चाखे रे।

Source page 41

जेहि हरि हरिजन ही भावे रे,

कहुँ अनत न टुक मन लावे रे,

जो उर “कृपालु” हरि राखे, प्रेमरस सोई चाखे रे॥