अस मेरो श्यामा श्याम धाम,

(राधे राधे राधे श्री राधे..)

अस मेरो श्यामा श्याम धाम,

जहँ विहरत श्यामा संग श्याम।

अस मेरो श्यामा श्याम धाम,

जहँ गावत साधक युगल नाम।

अस मेरो श्यामा श्याम धाम,

जेहि लखि लाजत बैकुण्ठ धाम।

Source page 158

अस मेरो श्यामा श्याम धाम,

जहँ ब्रजरस बरसत आठु याम।

अस मेरो श्यामा श्याम धाम,

जहँ पाइये ब्रजरस बिनुहि दाम।

अस मेरो श्यामा श्याम धाम,

जहँ आवतिं छुपि ललितादि बाम।

अस मेरो श्यामा श्याम धाम,

जहँ नित निवास कर श्यामा श्याम।

अस मेरो श्यामा श्याम धाम,

जहँ नित नव लीला आठों याम।

अस मेरो श्यामा श्याम धाम,

जहँ बँटत प्रेम रस बिनुहि दाम।

अस मेरो श्यामा श्याम धाम,

जहँ होत अकामहुँ युगल काम।

अस मेरो श्यामा श्याम धाम,

कर मींजत ज्ञानी आत्माराम।

अस मेरो श्यामा श्याम धाम,

जहँ दासी बनि रह रमा बाम।

अस मेरो श्यामा श्याम धाम,

जहँ नहिं प्रवेश कमला ललाम।

Source page 159

अस मेरो श्यामा श्याम धाम,

जहँ नचत ताल पै ब्रह्म श्याम।

अस मेरो श्यामा श्याम धाम,

जहँ रास प्रवेश न रमा बाम।

अस मेरो श्यामा श्याम धाम,

जहँ रहि “कृपालु” हो पूर्णकाम।