वारी भोरी भारी बरसाने वारी प्यारी।

(नथवारी रंगीली...)

वारी भोरी भारी बरसाने वारी प्यारी।

वारी ब्रजरस बरसाने वारी प्यारी।

वारी सत चित आनँद घन प्यारी।

वारी आनँद घन तन वारी प्यारी।

वारी सिर कनक मुकुट वारी प्यारी।

वारी सिर चंद्रकला वारी प्यारी।

वारी सिर चूनरि छवि वारी प्यारी।

वारी कारी कारी घुँघुरारी लट प्यारी।

वारी कानन कुंडल वारी प्यारी।

वारी भाल लाल बिंदी छवि वारी प्यारी।

वारी कजरारी अँखियन वारी प्यारी।

वारी मतवारी अँखियन वारी प्यारी।

वारी बड़ी बड़ी अँखियन वारी प्यारी।

वारी प्यारी प्यारी चितवनि वारी प्यारी।

वारी नासा बेसर वारी प्यारी।

वारी नथ मोतिन लर वारी प्यारी।

Source page 174

वारी मुख दशनन दुति वारी प्यारी।

वारी मुरि मृदु मुसकनि वारी प्यारी।

वारी कर मणि कंकण वारी प्यारी।

वारी करपत्र चुरी वारी प्यारी।

वारी दोउ कर पहुँची वारी प्यारी।

वारी भुज बाजूबंद वारी प्यारी।

वारी दोउ कर मेहँदी वारी प्यारी।

वारी अँगुरिन मुँदरिन वारी प्यारी।

वारी गर मोतिन लर वारी प्यारी।

वारी दुलरी तिलरी वारी प्यारी।

वारी उर कंचुकि छवि वारी प्यारी।

वारी तनु नीलांबर वारी प्यारी।

वारी कटि मणि किंकिणि वारी प्यारी।

वारी पग मणि नूपुर वारी प्यारी।

वारी पग बिछुवनि छवि वारी प्यारी।

वारी पग जावक छवि वारी प्यारी।

वारी पद नख मणि दुति वारी प्यारी।

वारी सोरह सिँगार वारी प्यारी।

वारी अगनित रति छवि वारी प्यारी।

Source page 175

वारी वारी छवि को लजाने वारी प्यारी।

वारी बनवारी छवि लखि वारी प्यारी।

वारी छवि लखि बरसाने वारी प्यारी।

वारी वारी ब्रज नारी लखि वारी प्यारी।

वारी हौँ “कृपालु” पुनि पुनि वारी प्यारी॥