जयति जयति जय भानुदुलार।

(नीको लागे...)

जयति जयति जय भानुदुलार।

जाकर चाकर नंदकुमार।

Source page 115

चिन्मय गौर वरन तन धार।

दामिनि दुति जनु तनु सुकुमार।

लंबी वेणी सुमन संवार।

चूनरि झलमल जरिन किनार।

मोतिन माँग भरी सुकुमार।

शीश फूल भल शीश निहार।

सेंदुर छवि लखु सखि छविदार।

सिर पर स्वर्ण मुकुट रिझवार।

तापर चंद्रकला बलिहार।

मुकुट चन्द्रिका चमक निहार।

झलमलात मणि दुति बलिहार।

मणि मंडित कुंडल श्रुति धार।

नैन रसीले अति रतनार।

कजरारे दृग काजर डार।

नैन गँसीले भानुदुलार।

गरल सुधा मधु दृगन निहार।

अति मतवारे दृग सरकार।

चितवनि लखि मुर्छित रिझवार।

दशनन दुति दामिनि अनुहार।

Source page 116

लजवत अधर बिंब सुकुमार।

मधुर मधुर मुसकनि सरकार।

मृदु बोलनि सुनि पिय बलिहार।

कर मणि कंकण छवि छविदार।

कर करपत्र चुरी सुकुमार।

रतन खचित पहुँची रिझवार।

दमकनि बाजूबंद निहार।

अँगुरिन हीरन मुँदरिन धार।

करतल मेंहदी सुघर संवार।

गर दुलरी तिलरी छविदार।

गर मणि मुक्तन हीरन हार।

उर कंचुकि बहुरंगी धार।

कटि तट मणिमय किंकिनि धार।

पग अंगुरिन बिछुवनि छविदार।

पग तल जावक अरुण निहार।

नख शिख किय सोरह शृंगार।

लखि शृंगार लजत शंृगार।

लाजति छवि लखि छवि सरकार।

छवि पर अगणित रति बलिहार।

Source page 117

गति मति रति अति सरस निहार।

रोम रोम बह ब्रजरस धार।

लखि पिय पुनि पुनि कह बलिहार।

सखियन पुनि पुनि करि जयकार।

भाल “कृपालु” दिठौना डार॥