बरसाने वारी प्यारी जू पै वारी वारी।

(नथवारी रंगीली...)

बरसाने वारी प्यारी जू पै वारी वारी।

जापै वारी ब्रह्म बनवारी जायँ वारी।

प्यारी सत चित आनँद घन वारी।

प्यारी तन चित घन सुख घन वारी।

Source page 138

प्यारी तनु दुति पर दामिनि वारी।

प्यारी छवि पर अगनित विधि वारी।

प्यारी छवि पर अगनित हरि वारी।

प्यारी छवि पर अगनित हर वारी।

प्यारी जू पै अगनित वानी वारी।

प्यारी छवि पर कोटि रमा वारी।

प्यारी छवि पर कोटि उमा वारी।

प्यारी छवि पर अरुं धती वारी।

प्यारी छवि पर अनसूया वारी।

प्यारी छवि पर कोटि काम वारी।

प्यारी छवि पर अगनित रति वारी।

प्यारी छवि पर सनकादिक वारी।

प्यारी जू पै अगनित ब्रजनारी वारी।

प्यारी छवि लखि साक्षात् छवि वारी।

प्यारी छवि लखि जायँ प्यारिहुँ वारी।

प्यारी जू हैं मूरति ब्रज रस वारी।

प्यारी जू हैं मादन रति रस वारी।

प्यारी जू हैं सोरह सिंगार वारी।

प्यारी जू के दृग पर मृग दृग वारी।

Source page 139

प्यारी जू की नासा पर शुक वारी।

प्यारी जू के मुख पर शशि गन वारी।

प्यारी दशनन पर दाड़िम वारी।

प्यारी अधरन पर बिंबहिँ वारी।

प्यारी ग्रीवा पर कपोत वारी।

प्यारी कटि पर केहरि कटि वारी।

प्यारी चरनन पर प्रवाल वारी।

प्यारी पद नख पर दस शशि वारी।

प्यारी रोम रोम पर रस वारी।

प्यारी मतवारी गति पर गज वारी।

प्यारी मृदु बोलनि पर पिक वारी।

प्यारी छवि पर ब्रज परिकर वारी।

प्यारी छवि पर नित्य सिद्ध वारी।

प्यारी छवि पर शुक शौनक वारी।

प्यारी छवि पर वेद ऋचन वारी।

प्यारी छवि पर शुद्ध बुद्ध वारी।

प्यारी छवि पर ज्ञानीजन वारी।

प्यारी छवि पर योगीजन वारी।

प्यारी छवि पर ब्रह्मलीन वारी।

Source page 140

प्यारी छवि पर परमहंस वारी।

प्यारी छवि पर हौँ “कृपालु” वारी॥