कीर्तन 51–100
कीर्तन 59 · Kirtan 59
Kirtan by Jagadguru Shri Kripalu Ji Maharaj
मेरी प्यारी प्यारी प्यारी बरसाने वारी।
Source page 151
मेरी प्यारी हरिहूँ को तरसाने वारी।
मेरी प्यारी ब्रजनारी हरषाने वारी।
मेरी प्यारी नटवर को नचाने वारी।
मेरी प्यारी नटवर को डराने वारी।
मेरी प्यारी सुखघन को रुलाने वारी।
मेरी प्यारी तनु दुति दामिनि वारी।
मेरी प्यारी छवि अभिरामिनि वारी।
मेरी प्यारी छवि रति को लजाने वारी।
मेरी प्यारी छवि छवि को लजाने वारी।
मेरी प्यारी सिर कनक मुकुट वारी।
मेरी प्यारी घुँघुरारी वेणी वारी।
मेरी प्यारी सिर चन्द्रकला वारी।
मेरी प्यारी भाल लाल बिन्दी वारी।
मेरी प्यारी कजरारी अँखियन वारी।
Source page 152
मेरी प्यारी अति अरुण अधर वारी।
मेरी प्यारी प्यारी दशनन दुति वारी।
मेरी प्यारी प्यारी मृदु मुसकनि वारी।
मेरी प्यारी प्यारी मृदु बोलनि वारी।
मेरी प्यारी दोउ कर चूरिन वारी।
मेरी प्यारी दोउ कर पहुँची वारी।
मेरी प्यारी दोउ कर मेहँदी वारी।
मेरी प्यारी अँगुरिन मुँदरिन वारी।
मेरी प्यारी अरुणारी कंचुकि वारी।
Source page 153
मेरी प्यारी पद नख मणि दुति वारी।
मेरी प्यारी छवि पर पिय छवि वारी।