भज मन जीवन धन नँदनंदन।

(नीको लागे...)

भज मन जीवन धन नँदनंदन।

सत चित आनँदघन नँदनंदन।

Source page 83

इन्द्र नील मणि तनु नँदनंदन।

सिर सोहे पीत पाग नँदनंदन।

सिर सोहे कनक मुकुट नँदनंदन।

झलमल मुकुट मणिन नँदनंदन।

सिर पर मोर मुकुट नँदनंदन।

लटकारी घुँघुरारी नँदनंदन।

मृगमद तिलक भाल नँदनंदन।

कान कनक कुण्डल नँदनंदन।

सरस रसीले दृग नँदनंदन।

अति मतवारे दृग नँदनंदन।

रतनारे दोउ दृग नँदनंदन।

सरस गँसीले दृग नँदनंदन।

विष अमृत युत दृग नँदनंदन।

अति चंचल चितवनि नँदनंदन।

नासा भल बेसर नँदनंदन।

नील कपोल गोल नँदनंदन।

मुख शोभा अनुपम नँदनंदन।

मुरि मुरि मृदु मुसुकनि नँदनंदन।

मधुर मधुर बोलनि नँदनंदन।

Source page 84

कर कनकन कंकन नँदनंदन।

दुति अँगुरिन मुँदरिन नँदनंदन।

गर फहरत दुपटी नँदनंदन।

गल भल गुंजमाल नँदनंदन।

गल भल मुक्तमाल नँदनंदन।

गल भल मणिन माल नँदनंदन।

गर वनमाल सुघर नँदनंदन।

गल छवि कौस्तुभ मणि नँदनंदन।

भृगु पद वक्ष मध्य नँदनंदन।

कटि तट पीत वसन नँदनंदन।

कटि कमनी काछनि नँदनंदन।

कटि कनकन किंकिनि नँदनंदन।

किंकिनि धुनि रुनझुन नँदनंदन।

पग नूपुर कनकन नँदनंदन।

नूपुर धुनि झननन नँदनंदन।

चरण अरुणिमा भल नँदनंदन।

चरनन नख मणि दुति नँदनंदन।

नख शिख छवि अनुपम नँदनंदन।

लाजति छवि लखि छवि नँदनंदन।

Source page 85

निज मनहूँ मोहन नँदनंदन।

ज्ञानिहुँ मन मोहे नँदनंदन।

गोपिन मन मोहे नँदनंदन।

गोपन मन मोहे नँदनंदन।

शिव शुक मन मोहे नँदनंदन।

सनकादिक मोहे नँदनंदन।

प्रेम सुधा रस निधि नँदनंदन।

रूप सुधा रस निधि नँदनंदन।

ब्रज रस सुधा सिन्धु नँदनंदन।

रोम रोम रस चुवे नँदनंदन।

रति मति गति अति प्रिय नँदनंदन।

जीवनधन “कृपालु” नँदनंदन॥