प्यारी प्यारी भोरी भारी भानुदुलारी।

(परिक्रमा)

प्यारी प्यारी भोरी भारी भानुदुलारी।

सुधि लो हमारी बरसाने वारी प्यारी॥

गोरी गोरी भोरी भोरी भानुकिशोरी।

पिय चितचोरी लखु हमरिहुँ ओरी॥

ब्रज रस बोरी मोरी भानुकिशोरी।

तु ही मोरी मैं भी तोरी लखु मम ओरी।।

प्रेमरस बोरी मोरी भानुकिशोरी।

पिय चित्तचोरी ले लो मम चित्तचोरी॥

Source page 190

तू ही गति मोरी मति मोरी रति मोरी।

तोहिं तजि जाऊँ कित भानुकिशोरी।।

नित्य रतिरस बोरी नित्य किशोरी।

तू ही तो है मोरी लखु हमरिहुँ ओरी॥

तू ही मेरी मैं भी तेरी श्रुति कह तोरी।

झलक दिखा दे आई शरण किशोरी॥

ओरी मोरी भानुकिशोरी सुनु मोरी।

तेरे बिनु जीना भी क्या जीना है किशोरी॥

सुनु बरसाने वारी प्यारी महतारी।

तेरा शिशु भूखा रोये गोद ले ले प्यारी।।

ब्रजरस भंडारी बरसाने वारी।

राके माँगु दे “कृपालु” तव महतारी॥

जय जय भानुनंदिनी जय जय नँदनन्दन।

जय जय ब्रज गोपी जन जय जय श्री वृन्दावन। ।

श्यामा श्याम ब्रजबाम गोविन्द राधे।

वृन्दावन धाम चारों एक बता दे।।

Source page 191

श्यामा श्याम नाम रूप गोविन्द राधे।

गुण लीला धाम सब एक बता दे।।

राधे बिनु श्याम आधे गोविन्द राधे।

ऐसे ही श्याम बिनु राधे भी आधे।।

शिशु ज्यों पुकारों रो के गोविन्द राधे।

भाजे भाजे अइहैं दोनों गलबहियाँ दे।।

राधे राधे माधव माधव राधे।

गलबाँहीं दै के दोनों झलक दिखा दे॥

राधे पावें श्याम रस श्याम रस राधे।

हम सब पावें दोनों रस श्याम राधे॥

चलो प्रेम मन्दिर मिले श्याम राधे।

उनते ही माँगो गोपी प्रेेम सुधा दे॥

गुरु कहे हरि भजो हरि कहे भज गुरु।

मेरे भाये दोनों भजो गुरुवर गिरिधर॥

कोउ कहे हरि बड़ो कोउ कहे गुरुवर।

मेरे भाये दोनों एक छोटो बड़ो जनि कर॥