प्यारी प्यारी भोरी भारी नथवारी प्यारी,

(जय नँदनंदन सुखधाम ....)

प्यारी प्यारी भोरी भारी नथवारी प्यारी,

जय हो जय हो जय हो जय हो बरसाने वारी।

वृषभानुदुलारी सुकुमारी प्यारी,

तोपै वारी वारी वारी महलन वारी।

तेरे पाछे पाछे डोले बनवारी प्यारी,

तेरी बलिहारी बलिहारी बलिहारी।

जब जब निकसत प्यारी असवारी,

पाछे चलि बोले बनवारी जय हो प्यारी।

जब सखिन पलोटति पग प्यारी,

लखि कर मींजत पिय बनवारी।

Source page 109

आगे चलें प्यारी पाछे-पाछे ब्रजनारी,

वाके पाछे चलि पिय बोलें जय हो प्यारी।

पिय को बुरा न कहो बुरा माने प्यारी,

सुना है “कृपालु” दोउन भई यारी।।