प्यारी प्यारी भोरी भारी सुकुमारी,

(ओ माँ श्यामा . . .)

प्यारी प्यारी भोरी भारी सुकुमारी,

वारी वारी बरसाने वारी प्यारी।

जब जब चले प्यारी की सवारी,

पाछे चलि बोलें पिय जय हो प्यारी।

Source page 183

कभू बनवारी बनि जायँ प्यारी,

कभू प्यारी बनि जायँ बनवारी।

जय हो जय हो जय हो जय हो बनवारी,

जय हो जय हो जय हो जय हो जय हो प्यारी।

प्यारी रोम रोम बोलें बनवारी,

बनवारी रोम रोम बोलें प्यारी।

सब जग आत्मा हैं बनवारी,

बनवारी हूँ की आत्मा हैं प्यारी।

सब जग के हैं स्वामी बनवारी,

बनवारी हूँ की स्वामिनि प्यारी।

सब जग को नचावें बनवारी,

बनवारी को नचावें मेरी प्यारी।

सब जग पै “कृपालु” बनवारी,

बनवारी पै कृपालु मेरी प्यारी।।