मेरी प्यारी प्यारी प्यारी मेरी बरसाने वारी।

(मतवारी प्यारी . . .)

मेरी प्यारी प्यारी प्यारी मेरी बरसाने वारी।

मेरी प्यारी ऐसी प्यारी पाछे डोलें बनवारी।

जब गिरैं बनवारी लखि छवि प्यारी।

सब मिलि बोलो जय हो जय हो जय हो प्यारी।

मेरी प्यारी ऐसी प्यारी प्यारी जू भी वारी वारी।

मेरी प्यारी ऐसी प्यारी जैसी प्यारी बस प्यारी।

प्यारी महलन वारी जहँ पिय देयँ बुहारी।

Source page 115

जो भी प्यारी पर वारी वापै बनवारी वारी।

तुम भी भूलो नहिं पल छिन मो कहँ प्यारी।

मैं भी भूलूँ नहिं तुम कहँ भूलेहुँ प्यारी।

मेरी नथवारी लर मोतिन वारी।

रस बरसाने वारी बरसाने वारी।

मैं तो वारी वारी वारी बरसाने वारी।

प्यारी जू की प्यारी छवि एतिक प्यारी।

नीचे सिर करि देखैं डरि बनवारी।

मेरी भोरी भारी हैं “कृपालु” अति प्यारी।।