मेरी राधारानी राधारानी राधारानी,

(राधेरानी राधेरानी राधेरानी . . .)

मेरी राधारानी राधारानी राधारानी,

मेरी राधारानी राधारानी राधारानी।

महरानीहुँ की महरानी राधारानी,

सोइ मेरी ठकुरानी ब्रजरसखानी।

ठाकुर सँग ठकुरानी राधारानी,

विहरत नित वृंदावन रजधानी।

मेरी राधारानी ब्रज रस खानी,

मेरी राधारानी अवढर दानी।

पिय सँग वृंदावन रजधानी,

ब्रजरस बरसावति राधारानी।

विधि हरि हर जेहि ठाकुर मानी,

सोउ ठाकुर ठकुरानी राधारानी।

मेरी आत्मा हैं सारँग पानी,

उनहूँ की आत्मा राधारानी।

बनि जा “कृपालु” हित अवढर दानी,

मेरी ब्रजरस खानी राधारानी।।

Source page 149

(राधेरानी राधेरानी राधेरानी . . .)

मेरी भोरी भारी राधा, मेरी सुकुमारी राधा,

मेरी नथवारी राधा, मेरी प्यारी प्यारी राधा।

मेरी ठकुरानी राधा, मेरी ब्रजरानी राधा,

मेरी रसखानी राधा, मेरी महरानी राधा।

मेरी भोरी भोरी राधा, मेरी गोरी गोरी राधा,

मेरी रसवारी राधा, मेरी चितचोरी राधा।

(राधेरानी राधेरानी राधेरानी . . .)

सुमिरहु नित राधा, सुमिरहु नित राधा,

सुमिरहु नित राधा, जनि भूलो पल आधा।

मेरी ऐसी रानी राधा, मेरी ऐसी रानी राधा,

मेरी ऐसी रानी राधा, जेहि बिनु हरि आधा।

मेरी ऐसी रानी राधा, मेरी ऐसी रानी राधा,

जेहि बिनु हरि रहि, नहिं सक पल आधा।

मेरी ऐसी महरानी राधारानी,

ठाकुरहूँ माने जेहि ठकुरानी।

Source page 150

मेरी ऐसी महरानी राधारानी,

ठाकुर करे जाकी अगवानी।

बरसाने वारी प्यारी, ब्रजरसवारी प्यारी,

बेसरवारी प्यारी, जय हो, जय हो, जय हो, प्यारी।

मेरी बरसाने वारी, मेरी सुकुमारी प्यारी,

मेरी प्यारी प्यारी प्यारी, मेरी गति मति प्यारी।