प्यारी प्यारी भोरी भारी बरसाने वारी प्यारी।

(जयति जय, जयति जय राधे)

प्यारी प्यारी भोरी भारी बरसाने वारी प्यारी।

तोपै वारी वारी वारी भानुदुलारी प्यारी,

Source page 184

जय हो जय हो जय हो नथवारी सुकुमारी प्यारी।

जापै जग वारी सोउ वारी बनवारी प्यारी,

मेरी प्यारी ऐसी प्यारी वारी वारी जायँ प्यारी।

पिय धरे सिर तहँ जहँ धरें पग प्यारी,

ब्रह्म श्याम चापै पग बैठी सिंहासन प्यारी।

रँगीली महलवारी ब्रजरसवारी प्यारी,

नथबेसरवारी अति सुकुमारी प्यारी।

तेरा पाछा नहिं छोड़ूँ हौं “कृपालु” प्यारी,

अपनाये चाहे ठुकराये तेरी इच्छा प्यारी।।