कीर्तन 1–50
कीर्तन 13 · Kirtan 13
Kirtan by Jagadguru Shri Kripalu Ji Maharaj
प्यारी प्यारी भोरी भारी प्यारी, बरसाने वारी।
प्यारी प्यारी भोरी भारी प्यारी, बरसाने वारी।
मेरी प्रानन प्यारी प्यारी, बरसाने वारी।
मेरी जीवनधन प्यारी, बरसाने वारी।
मादन रसवारी प्यारी, बरसाने वारी।
सुखघन को रुलाने वारी, बरसाने वारी।
सारा जग है भिखारी दाता, बरसाने वारी।
रस बूँद पिला दो प्यारी, बरसाने वारी।
जित देखूँ तित तोहिं प्यारी, बरसाने वारी।
टुक झलक दिखा दे प्यारी, बरसाने वारी।
निज धाम बुला ले प्यारी, बरसाने वारी।
मेरी बिगरी बनाने वारी, बरसाने वारी।
रसिक रँगीली प्यारी, बरसाने वारी।
गुन गर्वीली प्यारी, बरसाने वारी।
Source page 23
ब्रज रस बरसाने वारी, बरसाने वारी।
कीर्तिकुमारी प्यारी, बरसाने वारी।
मणि जटित मुकुट वारी, बरसाने वारी।
मेरी सेंदुर वारी प्यारी, बरसाने वारी।
घुँघुरारी लटवारी प्यारी, बरसाने वारी।
मणि कुंडल वारी प्यारी, बरसाने वारी।
कजरारे दृग वारी प्यारी, बरसाने वारी।
नथबेसर वारी प्यारी, बरसाने वारी।
मृदु मुसकनि वारी प्यारी, बरसाने वारी।
मणि कंकण वारी प्यारी, बरसाने वारी।
मेरी मणि मुँदरिन वारी, बरसाने वारी।
कर चूरिन वारी प्यारी, बरसाने वारी।
मेरी कर मेहँदी वारी, बरसाने वारी।
सिर चूनरि वारी प्यारी, बरसाने वारी।
उर कंचुकि वारी प्यारी, बरसाने वारी।
नीली नीली सारी वारी, बरसाने वारी।
नीलाम्बर वारी प्यारी, बरसाने वारी।
Source page 24
गल मोतियन माला वारी, बरसाने वारी।
कटि किंकिणि वारी प्यारी, बरसाने वारी।
पग नूपुर वारी प्यारी, बरसाने वारी।
मणि बिछुवनि वारी प्यारी, बरसाने वारी।
पग जावक वारी प्यारी, बरसाने वारी।
सोरहो सिंगार वारी, बरसाने वारी।
मेरी राज महल वारी, बरसाने वारी।
बोलो जय हो जय हो जय हो प्यारी, बरसाने वारी।
बलिहारी तेरी बलिहारी, बरसाने वारी।
प्यारी प्यारे की भी प्राण प्यारी, बरसाने वारी।
प्यारी बनवारी प्राण प्यारी, बरसाने वारी।
प्यारी सम प्यारी ही हैं प्यारी, बरसाने वारी।
प्यारी ऐसी प्यारी प्यारी वारी, बरसाने वारी।
प्यारो प्राण प्यारी प्राण प्यारी, बरसाने वारी।
बनवारी को नचाने वारी, बरसाने वारी।
बनवारी को डराने वारी, बरसाने वारी।
बनवारी को रुलाने वारी, बरसाने वारी।
Source page 25
तोपै वारी वारी बनवारी, बरसाने वारी।
जाके पग चापै बनवारी, बरसाने वारी।
जासो कृपा माँगें बनवारी, बरसाने वारी।
जाकी तनु ब्रजरस वारी, बरसाने वारी।
जाको लखि गिरें गिरिधारी, बरसाने वारी।
दस दिशा देखें बनवारी, बरसाने वारी।
मैं तो तोपै वारी वारी प्यारी, बरसाने वारी।
आई शरण तिहारी प्यारी, बरसाने वारी।
लो हमरिहुँ सुधि प्यारी, बरसाने वारी।
तू ही मेरी थी रहेगी प्यारी, बरसाने वारी।
तू ही गति मति रति प्यारी, बरसाने वारी।
तेरा पाछा नहिं छोडँ़ू प्यारी, बरसाने वारी।
तू ही मेरी मैं भी तेरी प्यारी, बरसाने वारी।
तोहिं तजि कित जाऊँ प्यारी, बरसाने वारी।
दे दे महल टहल प्यारी, बरसाने वारी।
दऊँ महल बुहारी प्यारी, बरसाने वारी।
पतितन अपनाने वारी, बरसाने वारी।
Source page 26
आजा काऊ न बताऊँ प्यारी, बरसाने वारी।
तेरे लिये रोना दे दे प्यारी, बरसाने वारी।
लता पर भी कृपालु प्यारी, बरसाने वारी।
मैं तो तेरा हूँ “कृपालु” प्यारी, बरसाने वारी॥
हरि बोल हरि बोल हरि बोल, हरि बोल हरि बोल।
हरि बोल बोल ले ले हरि मोल, हरि बोल हरि बोल।
यहाँ वहाँ जहाँ कहीं मुँह खोल, हरि बोल हरि बोल।
यह नाम रतन अनमोल, ले ले मोल बिनु मोल।
Source page 27
जय श्यामा जय श्याम, जय वृन्दावन धाम।
जय श्यामा जय श्याम, जय जय जय ब्रजबाम।
जय श्यामा जय श्याम, जय गोवर्धन धाम।
जय श्यामा जय श्याम, जय बरसानो धाम।
जय श्यामा जय श्याम, जय जय गोकुल ग्राम।
जय श्यामा जय श्याम, जय जय मथुरा धाम।
जय श्यामा जय श्याम, जय जय जय नन्दगाम।
भज मन आठों याम, ब्रजबामा ब्रजधाम।
भज मन आठों याम, ब्रजबामा ब्रजधाम।
सुमिरिय आठों याम, लीला युगल ललाम।
राधे राधे राधे गोविन्दा, राधे गोविन्दा।
राधे कहें भजु गोविन्दा, राधे गोविन्दा।