आजा नंदनंदन आजा यशुदा ललन,

(प्यारी प्यारी भोरी भारी . . .)

आजा नंदनंदन आजा यशुदा ललन,

आजा आजा ब्रज गोपीजन जीवनधन।

आजा सतघन चितघन आनँदघन,

आजा आजा ब्रजयुवतिन दृग अंजन।

आजा आके पुनि ना जा यशुमति के सुवन,

आजा आजा तोपै अर्पन तन मन धन।

आजा तोहिं परखत निधिवन मधुवन,

आजा आजा निज लीला धाम वृंदावन।

आजा तेरी पद रज चह ब्रज रज कन,

आजा आजा रस बरसा जा गोवर्धन।

आजा जगमोहन मदन विमोहन,

आजा आजा निज मन मोहन मोहन।

आजा त्रिभुवन वंदन राधिकारमन,

आजा आजा प्रणत जनन मनरंजन।

आजा अब “दारी के” न गारी देंगी गोपीजन,

आजा आजा अब न बनावें घोड़ा गोपजन।

Source page 56

आजा तू तो सदा ते है अधम उधारन,

आजा आजा तू तो है “कृपालु” बिनु कारन।।