पिय प्यारी पिय प्यारी प्यारी प्यारी पिय प्यारी।

(जय जय पिय प्यारी . . .)

पिय प्यारी पिय प्यारी प्यारी प्यारी पिय प्यारी।

पिय तो वृंदाविपिन बिहारी,

प्यारी बरसाने वारी।

प्यारी ते प्यारे बनवारी,

प्यारे ते प्यारी प्यारी।

पिय को तनु नीलो रंग वारो,

प्यारी तनु पीलो वारी।

पिय तो चपल चपलताहूँ ते,

अति भोरी भारी प्यारी।

पिय तो असुरन मारधाड़ कर,

ब्रजरस बाँटें नित प्यारी ।

पिय की गति मति रति सब टेढ़ी,

अति सीधी सादी प्यारी।

पिय भी लागे सबको प्यारो,

प्यारी बीस लगे प्यारी।

Source page 21

पिय प्यारी में होड़ लगे जब,

हारें पिय जीतें प्यारी।

पिय तो सबके प्राण वेद कह,

प्राणहुँ ते प्यारी प्यारी।

मम प्यारो प्यारो मम प्यारो,

मम प्यारी प्यारी प्यारी।

प्यारे पर प्यारी वारी,

प्यारी पर वारी बनवारी।

प्यारी कह भजु बनवारी अरु,

बनवारी कह भजु प्यारी।

मेरी मानहु नर नारी सब,

भजिये बनवारी प्यारी।

रूपसिन्धु मानहु बनवारी,

प्रेम सिन्धु मानहु प्यारी।

होड़ होय जब इन दोनों में,

न तु पिय न तु प्यारी हारी।

श्रुति ‘कृपालु’ कह प्यारी ही पिय,

पिय ही बनि गये हैं प्यारी ॥