अकारण करुणा की आशा

अपनी ओर टुक हेरो री, किशोरी राधे।

हौं तो कुटिल नीच सब दिन को,

विश्व विदित अघ मेरो री किशोरी राधे!

पै 'बिनु हेतु पतितपावनि' यह,

विरद दुर्यो कित तेरो री किशोरी राधे!

शिशु नवजात न जानत मातहिँ,

रहत मातु रुचि चेरो री किशोरी राधे!

त्यों हौं अति अबोध जड़ पामर,

महामोह तम घेरो री किशोरी राधे!

हमरिहिं बेर बेर कत एतिक,

याको करिय निबेरो री किशोरी राधे!

जगहुँ सुनात 'कृपालु' कुमात न,

यदपि कुपूत घनेरो री किशोरी राधे!