प्रियतम की सुन्दर छवि

नन्ददुलारे, राधा जू के प्यारे, प्राण हमारे, जाऊँ तिहारी बलिहार।

सुन्दरताहूँ जासु लजाई, ललित त्रिभंगी छवि मो मन भाई।

नैन रतनारे, मैन मदमारे, सैन मनहारे, छविनिधि नन्दकुमार।

तरु-तमाल श्यामल-तनु धारी, राधा-मानस-हंस-मुरारी।

कारे कारे, अति अनियारे, कच घुँघरारे, जनु अलि-पंक्ति अपार।

मोर मुकुट सिर पेच विराजै, मृगमद-तिलक भाल छवि छाजै।

गुंजमाल धारे, पीतपट वारे, पग अरुणारे, मृदु नूपुर झनकार।

बेसर सुघर नासिका सोहै, लाल अधर लाली मन मोहै।

ओ वंशीवारे, जन रखवारे, काहे बिसारे, ओर 'कृपालु' निहार ।।