दिव्य होली का रस

सदा सोँ सोई दुलहिनि जाग।

आये रसिक जगावन आपुहिँ, जाग्यो तेरो भाग।

भुज पसारि कब ते पिय परखत, वेगि धाइ उर लाग।

बिनु पिय-परस न रतिरस पाइय, जरि जाइय कामाग।

रति-रस-बस बरबस करि बस पिय, खेलु रास-रस फाग।

अस 'कृपालु' संयोग बनै जो, होवे अमर सुहाग॥

लाल सँग, खेलिय हिल मिल फाग।

चलु री सखी! भव-निशा सिरानी, भई भोर गइ जाग।

केशर घोर भाव की गोरी!, पिचकारी अनुराग।

पानि तानि मारिय दृग-बानन, सहज पिया-रस-पाग।

रति-रस-रँग-सरबोरी गोरी, लखु अपुनो बड़भाग।

इमि 'कृपालु' करि उर-पट-बंदी, करु निज अमर सुहाग॥