राधे जू की रूप माधुरी

लतन में ठाढ़ीं भानुदुलार।

मणिन-अलंकृत कनक मुकुट सिर, लर मोतिन शृंगार ।

अति कारी एँड़ी लौं वेणी, अनियारी घुँघरार।

कानन करणफूल मणि मंडित, बिंदी अति अरुणार।

दृग रस भरे सहज कजरारे, मतवारे रतनार।

झलमलात मुक्ताहल नासा, नथ बेसर छबिदार।

मंद मंद मुसकानि दशन दुति, चंद्र लजावनि हार ।

उर कंचुकि लर हार मोतियन, नीलांबर रिझवार।

कनकन कर कंकन, कटि किंकिनि, नूपुर धुनि झनकार।

लाल मिहावरि लाल ओढ़नी, लालहिं मेहँदी सार।

लखि 'कृपालु' शृंगार किशोरिहिं, भाल दिठौना डार ॥