देह की क्षणभंगुरता

तन यौवन धन दिन चार रे।

बड़े बड़े सुंदर तनु वारे, अंत भये जरि छार रे।

बड़े बड़े यौवन मद वारे, अंत खाँय लठ मार रे।

बड़े बड़े अगनित धन वारे, अंत चलत सब झार रे।

बड़े बड़े जे रहे कहावत, नाम न तिन संसार रे।

ताते अब 'कृपालु' बनि छोटे, भजु नित नंदकुमार रे॥

ऊधो!, कहियो हरि समुझाय।

हम सब उनहिं न कबहुँ बिसरिहैं, वे चाहे बिसराय।

वे मेरे प्रियतम, प्राणेश्वर, हम अबला असहाय।

हम सब भईं सनातन चेरी, वे चाहे ठुकराय।

चितवत पंथ रैन-दिन देइहौं, अगनित जनम बिताय।

पै ‘कृपालु' को भय पिय! जग सों, तव परतीति न जाय ॥