गुरु कृपा

बलि श्री गुरुदेव कृपाल की।

जिनके दिव्य वचन सुनि छूटत, ग्रंथि अविद्या-जाल की।

जिनके वरद-हस्त के सन्मुख, चल न चाल कलिकाल की।

जिनके बनत बिगारि सकत नहिं, मायाशक्ति गुपाल की।

जिनके युगल-चरन परसत मन, पावत रति नंदलाल की।

लखत 'कृपालु' अनुग्रह गुरु के, लीला लाड़लि लाल की॥

अरे मन! चार दिना की बात।

नर-तनु शरद चाँदनी बीते, पुनि अँधियारी रात ।

तू सोवत कछु जानत नाहीं, काल लगायो घात।

तजत न नींद यदपि विषयन के, छिन छिन जूते खात।

अवसर चूकि फिरिय चौरासी, कर मींजत पछितात।

रसिकनि कही 'कृपालु' मानु गहु, युगल चरण जलजात ॥