वारी वारी प्यारी छवि वारी बनवारी।

1(नीको लागे...)

2वारी वारी प्यारी छवि वारी बनवारी।

3वारी छवि सिर मोर मुकुट वारी।

4वारी छवि सिर कनक मुकुट वारी।

5वारी छवि वारी मुकुट लटक वारी।

6वारी छवि मणि जटित मुकुट वारी।

7वारी छवि सिर पीत पाग वारी।

8वारी छवि लट कारी अति घुँघुरारी।

9वारी छवि भल भाल तिलक वारी।

10वारी छवि लखि अँखियन कजरारी।

11वारी छवि अँखियाँ अति मतवारी।

12वारी छवि प्यारी दृग चितवनि वारी।

13वारी छवि कानन कुण्डल वारी।

14वारी छवि नासा बेसर वारी।

15वारी छवि मुख दशनन दुति वारी।

16वारी छवि प्यारी मृदु मुसुकनि वारी।

17वारी छवि लकुटी कामरि कारी।

18वारी छवि गर गुंजमाल वारी।

19वारी छवि मणि बनमाला वारी।

20वारी छवि गल कौस्तुभ मणि वारी।

21वारी छवि तनु पीताम्बर वारी।

22वारी छवि उर बिच भृगु पद वारी।

23वारी छवि उर बस कमला नारी।

24वारी छवि धुनि मुरलि मधुर प्यारी।

25वारी छवि कनकन किंकिनि वारी।

26वारी छवि कटि काछनि पट वारी।

27वारी छवि कनकन कंकन वारी।

28वारी छवि अँगुरिन मुँदरिन वारी।

29वारी छवि पग मणि नूपुर वारी।

30वारी छवि पदनख मणि दुति वारी।

31वारी छवि युग अरुण चरण वारी।

32वारी छवि अगनित रति पति वारी।

33वारी छवि लखि प्यारी सुकुमारी।

34वारी छवि लखि विधि हरि हर वारी।

35वारी छवि कंदर्प दर्प हारी।

36वारी छवि लखि उमा रमा नारी।

37वारी छवि निज छवि लखि बनवारी।

38वारी छवि रस प्रेम सुधा वारी।

39वारी छवि लखि परमहंस वारी।

40वारी छवि सनकादिक हूँ प्यारी।

41वारी छवि लखि शिव बनि गये नारी।

42वारी छवि लखि नहिं अस नहिं नारी।

43वारी छवि वारी नटवर तनुधारी।

44वारी छवि अहि फण नर्तन वारी।

45वारी छवि ब्रज महारास वारी।

46वारी छवि जब नैन सैन मारी।

47वारी छवि जब देंयँ सखिन गारी।

48वारी छवि ऊखल बंधन वारी।

49वारी छवि दै छाछ नचावें नारी।

50वारी छवि करें अस्तुति श्रुति चारी।

51वारी छवि प्यारी प्यारी गति मतवारी।

52वारी छवि वारी ग्वारिया गमार वारी।

53वारी छवि घोड़ा बनि भाजें बनवारी।

54वारी छवि आगे धेनु पाछे बनवारी।

55वारी छवि गोबर टीका वारी।

56वारी छवि माटी खायँ छुपि बनवारी।

57वारी छवि रोवें झूठमूठ बनवारी।

58वारी छवि श्याम जब बने मनिहारी।

59वारी छवि श्याम जब बने लिलिहारी।

60वारी छवि श्याम जब बने श्यामा री।

61वारी छवि आनँदघन तनुवारी।

62वारी छवि टेढ़ी गति मति रति वारी।

63वारी छवि जब जय बोलें ब्रजनारी।

64वारी छवि गलबाँही दिये पिय प्यारी।

65वारी छवि रास प्रति गोपी तनु धारी।

66वारी छवि विधि दर्प दलन वारी।

67वारी छवि गोवर्धन तनु धारी।

68वारी छवि जब बनि गये गिरिधारी।

69वारी छवि सुरपति मर्दन वारी।

70वारी छवि हुँ “कृपालु” लखि छवि प्यारी।