# नीको लागे मोको तो दिव्य ब्रज धाम।

Jagadguru Shri Kripalu Ji Maharaj

Source ID: native-yugal-madhuri:yugal-madhuri-kirtan-046
Canonical page: https://radhey.shreyam1008.com.np/read/yugal-madhuri/yugal-madhuri-kirtan-046/
Book: Yugal Madhuri
Source edition: 15; SHA-256 edbd8af6e10610f9dcfc1e9582e196356f2be501a7bc9a35c2a779a02df25503
Source PDF pages: 156–173



<a id="line-1"></a>नीको लागे मोको तो दिव्य ब्रज धाम।  
<a id="line-2"></a>नीको लागे मोको तो राधारानी धाम।  
<a id="line-3"></a>नीको लागेँ नन्दबाबा यशुमति भाम।  
<a id="line-4"></a>नीको लागे यशुमति प्यायो दूध श्याम।  
<a id="line-5"></a>नीको लागे पलना में झूलें घनश्याम।  
<a id="line-6"></a>नीको लागे मैया झुलावें झूलें श्याम।  
<a id="line-7"></a>नीको लागे मैया सुलावें गोद श्याम।  
<a id="line-8"></a>नीको लागे सोये भोरे भारे श्याम।  
<a id="line-9"></a>नीको लागे अलसाने उठे श्याम।  
<a id="line-10"></a>नीको लागे कछु सोचि मुसकायें श्याम।  
<a id="line-11"></a>नीको लागे कारण बिनु रोयें श्याम।  
<a id="line-12"></a>नीको लागे भीर भोर दरसन श्याम।

<a id="line-13"></a>नीको लागे अँगुठा पियत पग श्याम।  
<a id="line-14"></a>नीको लागे छी छी करें मैया गोद श्याम।  
<a id="line-15"></a>नीको लागे मैया जब चूमें मुख श्याम।  
<a id="line-16"></a>नीको लागे पूतना को पिये प्राण श्याम।  
<a id="line-17"></a>नीको लागे पूतना को दिये निज धाम।  
<a id="line-18"></a>नीको लागे गूँ गूँ करि बोलें कछु श्याम।  
<a id="line-19"></a>नीको लागे घुटुवनि चलें जब श्याम।  
<a id="line-20"></a>नीको लागे चलनो सिखावें मैया श्याम।  
<a id="line-21"></a>नीको लागे मैया कर गहि चलें श्याम।  
<a id="line-22"></a>नीको लागे खरे होँय काँपत श्याम।  
<a id="line-23"></a>नीको लागे ठुमुकि ठुमुकि चलें श्याम।  
<a id="line-24"></a>नीको लागे चलत चलत गिरें श्याम।  
<a id="line-25"></a>नीको लागे छुटे कटि पीत पट श्याम।  
<a id="line-26"></a>नीको लागे नंगे तन नाचें जब श्याम।  
<a id="line-27"></a>नीको लागे प्रतिबिंब लखि मोहेँ श्याम।  
<a id="line-28"></a>नीको लागे प्रतिबिम्ब बतरायें श्याम।  
<a id="line-29"></a>नीको लागेँ नंद जिन गोद खेल्यो श्याम।  
<a id="line-30"></a>नीको लागे आँय बाँय साँय गायें श्याम।  
<a id="line-31"></a>नीको लागे तोतरि बोलनि श्याम।

<a id="line-32"></a>नीको लागे रोटी को लोटी कहें श्याम।  
<a id="line-33"></a>नीको लागे दाल को तो ताल कहें श्याम।  
<a id="line-34"></a>नीको लागे भात को पात कहें श्याम।  
<a id="line-35"></a>नीको लागे दूध को तूत कहें श्याम।  
<a id="line-36"></a>नीको लागे दाऊ को ताऊ कहें श्याम।  
<a id="line-37"></a>नीको लागे बाबा को पापा कहें श्याम।  
<a id="line-38"></a>नीको लागे मैया को अइया बोलें श्याम।  
<a id="line-39"></a>नीको लागे गैया को कैया कहें श्याम।  
<a id="line-40"></a>नीको लागे “लाधे तलो थेलें” कहें श्याम।  
<a id="line-41"></a>नीको लागे राधे कहें “तलो थेलें त्याम”।  
<a id="line-42"></a>नीको लागे “मैया माल्यो लाम” कहें श्याम।  
<a id="line-43"></a>नीको लागे हँसेँ दुइ दँतुलिन श्याम।  
<a id="line-44"></a>नीको लागे साथ पियें दूध राम श्याम।  
<a id="line-45"></a>नीको लागे “दुद्धू” हित झगरत श्याम।  
<a id="line-46"></a>नीको लागे नन्द दाढ़ी मूँछ खींचें श्याम।  
<a id="line-47"></a>नीको लागे नन्द कन्ध बैठें राम श्याम।  
<a id="line-48"></a>नीको लागे नन्द को बनावें घोड़ा श्याम।  
<a id="line-49"></a>नीको लागे पंक लपेटे तनु श्याम।  
<a id="line-50"></a>नीको लागे मैया डर रोवें जब श्याम।

<a id="line-51"></a>नीको लागे बिरुझानो लोटत श्याम।  
<a id="line-52"></a>नीको लागे गोद हित लोटत श्याम।  
<a id="line-53"></a>नीको लागे फेंकें वेणु पट रूठि श्याम।  
<a id="line-54"></a>नीको लागे मुख छवि रूठत श्याम।  
<a id="line-55"></a>नीको लागे रूठे श्याम पटकत पाम।  
<a id="line-56"></a>नीको लागे चंदा माँगें मैया सों श्याम।  
<a id="line-57"></a>नीको लागे जब मुँह लटकावें श्याम।  
<a id="line-58"></a>नीको लागे हौवा ते डरें जब श्याम।  
<a id="line-59"></a>नीको लागे मैया कहें मेरो लाल राम।  
<a id="line-60"></a>नीको लागे राम कहानी सुनें श्याम।  
<a id="line-61"></a>नीको लागे चोरी चोरी माटी खायें श्याम।  
<a id="line-62"></a>नीको लागे मुख में दिखावें जग श्याम।  
<a id="line-63"></a>नीको लागे ऊखल बँधे रोयें श्याम।  
<a id="line-64"></a>नीको लागे रोवें ब्रह्म श्याम सुखधाम।  
<a id="line-65"></a>नीको लागे मैया की वेणी खींचें श्याम।  
<a id="line-66"></a>नीको लागे मैया सँग मथें दधि श्याम।  
<a id="line-67"></a>नीको लागे माँगेँ रोटी पटकत पाम।  
<a id="line-68"></a>नीको लागे मैया कर खायेँ ग्रास श्याम।  
<a id="line-69"></a>नीको लागे नंद की खड़ाऊँ सिर श्याम।

<a id="line-70"></a>नीको लागे नंद को प्रणाम करें श्याम।  
<a id="line-71"></a>नीको लागे श्याम करें माँ को प्रणाम।  
<a id="line-72"></a>नीको लागे कनुआ पुकारें माय श्याम।  
<a id="line-73"></a>नीको लागे बलुआ पुकारें माय राम।  
<a id="line-74"></a>नीकी लागे जोरी भल श्याम बलराम।  
<a id="line-75"></a>नीको लागे वारे मैया राई नोन श्याम।  
<a id="line-76"></a>नीको लागे गोचारें नंगे पाम श्याम।  
<a id="line-77"></a>नीकी लागे छोटी सी लकुटि कंध श्याम।  
<a id="line-78"></a>नीको लागेँ धूरि भरे तनु श्याम।  
<a id="line-79"></a>नीको लागे जब भाजें गिरें रोयें श्याम।  
<a id="line-80"></a>नीको लागे नवनि चुरावैं जब श्याम।  
<a id="line-81"></a>नीको लागे छीके लौं बड़ो होवें श्याम।  
<a id="line-82"></a>नीको लागे नवनि चुराके भाजें श्याम।  
<a id="line-83"></a>नीको लागे भाजे पाछे मैया आगे श्याम।  
<a id="line-84"></a>नीको लागे दूध नहिं पियेँ भाजें श्याम।  
<a id="line-85"></a>नीको लागे दोउ कर खायेँ दधि श्याम।  
<a id="line-86"></a>नीको लागे कर उर मुख दधि श्याम।  
<a id="line-87"></a>नीको लागे मैया ते बोलें झूठ श्याम।  
<a id="line-88"></a>नीको लागे चोरी करि दधि खायँ श्याम।

<a id="line-89"></a>नीकी लागे बाललीला ग्वाल संग श्याम।  
<a id="line-90"></a>नीको लागे ग्वाल मानें छोटो यार श्याम।  
<a id="line-91"></a>नीको लागे आँख मिचौनी खेलें श्याम।  
<a id="line-92"></a>नीको लागे पट्टी बाँधें ग्वाल दृग श्याम।  
<a id="line-93"></a>नीको लागे ग्वाल बिच नाचें श्याम राम।  
<a id="line-94"></a>नीको लागे ग्वाल सँग खेलें गेंद श्याम।  
<a id="line-95"></a>नीको लागे कालीदह फेंकें गेंद श्याम।  
<a id="line-96"></a>नीको लागे कालीदह कूदें जब श्याम।  
<a id="line-97"></a>नीको लागे कालिया के फण नाचें श्याम।  
<a id="line-98"></a>नीको लागेँ सखा सँग खेलत श्याम।  
<a id="line-99"></a>नीको लागे सखन जितावें श्याम।  
<a id="line-100"></a>नीको लागे ग्वाल घोड़ा बनेँ जब श्याम।  
<a id="line-101"></a>नीको लागे ग्वालन जूठों खायें श्याम।  
<a id="line-102"></a>नीको लागे मनसुख हास्य सँग श्याम।  
<a id="line-103"></a>नीको लागे सखन चिढ़ावें कारो श्याम।  
<a id="line-104"></a>नीको लागे अँगुठा दिखावें ग्वाल श्याम।  
<a id="line-105"></a>नीको लागे कहें ग्वाल द्वै बाप श्याम।  
<a id="line-106"></a>नीको लागे कहें ग्वाल परो पायो श्याम।  
<a id="line-107"></a>नीको लागे गाम को गमार जनु श्याम।

<a id="line-108"></a>नीको लागे हारेँ आपु रोयें आपु श्याम।  
<a id="line-109"></a>नीको लागे हारेँ श्याम देंय नहिं दाम।  
<a id="line-110"></a>नीको लागे पुनि पुनि हारेँ रोवें श्याम।  
<a id="line-111"></a>नीको लागे ग्वाल मनावें रोते श्याम।  
<a id="line-112"></a>नीको लागे पाछे ग्वाल आगे भागें श्याम।  
<a id="line-113"></a>नीको लागे जीति चिढ़ावें ग्वाल श्याम।  
<a id="line-114"></a>नीको लागे जानि जानि हारें खेल श्याम।  
<a id="line-115"></a>नीको लागे “गिरि में मैं” सिद्ध किये श्याम।  
<a id="line-116"></a>नीको लागे गोवर्धन बने श्याम।  
<a id="line-117"></a>नीको लागे इन्द्र पूजा बंद किये श्याम।  
<a id="line-118"></a>नीको लागे इन्द्र माँगे क्षमा पग श्याम।  
<a id="line-119"></a>नीको लागे गिरिराज बनि पूजें श्याम।  
<a id="line-120"></a>नीको लागे गोवर्धन दिव्यधाम।  
<a id="line-121"></a>नीको लागे दावानल पान किये श्याम।  
<a id="line-122"></a>नीको लागे खेल खेल मार्यो दैत्य श्याम।  
<a id="line-123"></a>नीको लागे दैत्य मरि पावें हरि धाम।  
<a id="line-124"></a>नीको लागे दाऊ भैया डाँटें जब श्याम।  
<a id="line-125"></a>नीको लागे मारा मारी करें राम श्याम।  
<a id="line-126"></a>नीको लागे मल्ल युद्ध राम श्याम।

<a id="line-127"></a>नीको लागे होड़ दौड़ श्याम बलराम।  
<a id="line-128"></a>नीको लागे होड़ मुट्ठी खोलें राम श्याम।  
<a id="line-129"></a>नीको लागे नाचें दोउ सँग राम श्याम।  
<a id="line-130"></a>नीको लागे राम पकरें कान श्याम।  
<a id="line-131"></a>नीको लागे गैयन दुहें दूध श्याम।  
<a id="line-132"></a>नीको लागे मुरली बजावें जब श्याम।  
<a id="line-133"></a>नीको लागे राधे को बुलावें वेणु श्याम।  
<a id="line-134"></a>नीको लागे राधे जू ते हारें खेल श्याम।  
<a id="line-135"></a>नीको लागे बड़ी दुलहिनि माँगें श्याम।  
<a id="line-136"></a>नीको लागे “माय गोरो करु” कह श्याम।  
<a id="line-137"></a>नीको लागे माँगें छाछ श्याम पूर्णकाम।  
<a id="line-138"></a>नीको लागे छाछ दै नचावें ब्रज बाम।  
<a id="line-139"></a>नीको लागे गोपी छाछ ना दे माँगें श्याम।  
<a id="line-140"></a>नीको लागे माँगें दधि पावें गारी श्याम।  
<a id="line-141"></a>नीको लागे तारी दै नचावें ब्रज बाम।  
<a id="line-142"></a>नीको लागे गोमय टीका मुख श्याम।  
<a id="line-143"></a>नीको लागे जायें आपु घर घर श्याम।  
<a id="line-144"></a>नीको लागे श्याम परें ब्रजबाम पाम।  
<a id="line-145"></a>नीको लागे बामा कहें चोर जार श्याम।

<a id="line-146"></a>नीको लागे जब बामा लर तोरें श्याम।  
<a id="line-147"></a>नीको लागे स्वामी श्याम बनें दास बाम।  
<a id="line-148"></a>नीको लागे मारे बाम गुलचन श्याम।  
<a id="line-149"></a>नीको लागे गोपी पति रूप धरें श्याम।  
<a id="line-150"></a>नीको लागे बामा लखें इकटक श्याम।  
<a id="line-151"></a>नीको लागे श्याम कह “प्यार करु बाम”।  
<a id="line-152"></a>नीको लागे गोपी मानें साँचो यार श्याम।  
<a id="line-153"></a>नीको लागे बाँह मरोरेँ श्याम बाम।  
<a id="line-154"></a>नीको लागे घूँघट पट ब्रजबाम।  
<a id="line-155"></a>नीको लागे घूँघट उठावें बाम श्याम।  
<a id="line-156"></a>नीको लागे छेड़त चलें बाम श्याम।  
<a id="line-157"></a>नीको लागे “तू तो मेरी बाम” कह श्याम।  
<a id="line-158"></a>नीको लागे गोपी सँग खटपट श्याम।  
<a id="line-159"></a>नीको लागे खाय दधि फोरेँ घट श्याम।  
<a id="line-160"></a>नीको लागे सँग बाम बरजोरी श्याम।  
<a id="line-161"></a>नीको लागे सखिन बुलावें वेणु श्याम।  
<a id="line-162"></a>नीको लागे सखिन लड़ावें नैन श्याम।  
<a id="line-163"></a>नीको लागे बामा लखि मारें आँख श्याम।  
<a id="line-164"></a>नीको लागे माँगें श्याम दधि दान बाम।

<a id="line-165"></a>नीको लागे लकुटि ते फोरेँ घट बाम।  
<a id="line-166"></a>नीको लागे मारेँ काँकरि घट बाम।  
<a id="line-167"></a>नीको लागे “छुओ जनि श्याम” कहें बाम।  
<a id="line-168"></a>नीको लागे ब्रह्म डोले पाछे पाछे बाम।  
<a id="line-169"></a>नीको लागे गोपी जैसा कहे करें श्याम।  
<a id="line-170"></a>नीको लागे अटपट प्रीति रीति श्याम।  
<a id="line-171"></a>नीको लागे गोपी अनुगत ब्रह्म श्याम।  
<a id="line-172"></a>नीको लागे गोपी सुख चाहेँ ब्रह्म श्याम।  
<a id="line-173"></a>नीको लागे गोपियों का ऋणी कहें श्याम।  
<a id="line-174"></a>नीको लागे लँगर डगर रार बाम।  
<a id="line-175"></a>नीको लागे माँगेँ प्यार कामी जनु श्याम।  
<a id="line-176"></a>नीको लागे गोपी प्रेम रस बस श्याम।  
<a id="line-177"></a>नीको लागे नंगे पाम डोलें ब्रज श्याम।  
<a id="line-178"></a>नीको लागे कह बाम लम्पट श्याम।  
<a id="line-179"></a>नीको लागे श्याम कर छोरे वेणु बाम।  
<a id="line-180"></a>नीको लागे श्याम मुख चूमें सब बाम।  
<a id="line-181"></a>नीको लागे निलज निपट कह बाम।  
<a id="line-182"></a>नीको लागे नटखट खटपट बाम।  
<a id="line-183"></a>नीको लागे कहे बाम हरजाई श्याम।

<a id="line-184"></a>नीको लागे बोलें आपु गोपिन श्याम।  
<a id="line-185"></a>नीको लागे जो ना बोले छेडें़ वाय श्याम।  
<a id="line-186"></a>नीको लागे घूँघट उठाके देखें श्याम।  
<a id="line-187"></a>नीकी लागे गोपी गारी नहिं स्तुति श्याम।  
<a id="line-188"></a>नीको लागे गोपी नहिं माने ब्रह्म श्याम।  
<a id="line-189"></a>नीको लागे गोपी माने कामी ब्रह्म श्याम।  
<a id="line-190"></a>नीको लागे गोपी जाने पूर्णब्रह्म श्याम।  
<a id="line-191"></a>नीकी लागे विधि हरि हर स्तुति श्याम।  
<a id="line-192"></a>नीकी लागे चारिहुँ श्रुति स्तुति श्याम।  
<a id="line-193"></a>नीको लागे ब्रह्मा कहे त्राहि मां श्याम।  
<a id="line-194"></a>नीको लागे बामा घट उठवावें श्याम।  
<a id="line-195"></a>नीको लागे श्याम अपमान करें बाम।  
<a id="line-196"></a>नीकी लागे नारी गारी “दारी के” के श्याम।  
<a id="line-197"></a>नीको लागे ब्रजबाम प्रेम निष्काम।  
<a id="line-198"></a>नीको लागे बामा कहें “लेउ कोउ श्याम”।  
<a id="line-199"></a>नीको लागे श्यामा जू ते पूछेँ नाम श्याम।  
<a id="line-200"></a>नीको लागे श्यामा जू ते पूछेँ गाम श्याम।  
<a id="line-201"></a>नीको लागे श्यामा जू को घूरे जायें श्याम।  
<a id="line-202"></a>नीको लागेँ गरबाहीं दिये श्यामा श्याम।

<a id="line-203"></a>नीको लागे मान ठाननो श्यामा भाम।  
<a id="line-204"></a>नीको लागे लाली पग चापत श्याम।  
<a id="line-205"></a>नीको लागे मानिनी मनावत श्याम।  
<a id="line-206"></a>नीको लागेँ श्यामा को मनाते रोते श्याम।  
<a id="line-207"></a>नीको लागेँ हा हा खाते श्यामा आगे श्याम।  
<a id="line-208"></a>नीको लागेँ “हा राधे” कहि रोते श्याम।  
<a id="line-209"></a>नीको लागे पी को मुकुट प्यारी पाम।  
<a id="line-210"></a>नीको लागे जब लिलिहारी बनेँ श्याम।  
<a id="line-211"></a>नीको लागे जब मनिहारी बनेँ श्याम।  
<a id="line-212"></a>नीको लागे जब मालिनि बनेँ श्याम।  
<a id="line-213"></a>नीकी लागे जल केलि संग श्याम बाम।  
<a id="line-214"></a>नीको लागे बामा सँग मोहे श्याम काम।  
<a id="line-215"></a>नीको लागे जब वंशी चोरें बाम श्याम।  
<a id="line-216"></a>नीको लागे श्यामा बनि श्यामा मोहें श्याम।  
<a id="line-217"></a>नीको लागे श्यामा जय बोलें जब श्याम।  
<a id="line-218"></a>नीको लागे श्यामा पद सिर धर श्याम।  
<a id="line-219"></a>नीको लागे परम पुरुष बने बाम।  
<a id="line-220"></a>नीको लागे श्यामा मनुहार करें श्याम।  
<a id="line-221"></a>नीको लागे श्यामा जू को खोजें कुंज श्याम।

<a id="line-222"></a>नीको लागे श्यामा लखि मुर्छित श्याम।  
<a id="line-223"></a>नीको लागे ज्ञानी बनि तरु खरे धाम।  
<a id="line-224"></a>नीको लागे ऊधो रोयें कहि “हाय श्याम”।  
<a id="line-225"></a>नीको लागे ब्रह्मा रोनो ढिंग घनश्याम।  
<a id="line-226"></a>नीको लागे अज होके जनमेउ श्याम।  
<a id="line-227"></a>नीको लागे निराकार नराकार श्याम।  
<a id="line-228"></a>नीको लागे निर्गुण गुणधाम श्याम।  
<a id="line-229"></a>नीको लागे कामी बने श्याम पूर्णकाम।  
<a id="line-230"></a>नीको लागे भूखा प्यासा ब्रज ब्रह्म श्याम।  
<a id="line-231"></a>नीको लागे आप्तकाम बन्यो गोपी राम।  
<a id="line-232"></a>नीको लागे कुबरी की यारी सँग श्याम।  
<a id="line-233"></a>नीको लागे रास रस मोहे श्याम काम।  
<a id="line-234"></a>नीको लागे रास महँ अगणित श्याम।  
<a id="line-235"></a>नीको लागे रास इक गोपी इक श्याम।  
<a id="line-236"></a>नीको लागे कमला न पावे रास श्याम।  
<a id="line-237"></a>नीको लागे भोलेनाथ बने ब्रज बाम।  
<a id="line-238"></a>नीको लागे आँख मारेँ शिव बनि बाम।  
<a id="line-239"></a>नीको लागे ब्रजरस माँगे विधि श्याम।  
<a id="line-240"></a>नीको लागे जरासन्ध भय भागे श्याम।

<a id="line-241"></a>नीको लागे बरसानो नीको नन्दगाम।  
<a id="line-242"></a>नीकी लागे रजधानी वृन्दावन धाम।  
<a id="line-243"></a>नीको लागे नहिं गये तजि ब्रज श्याम।  
<a id="line-244"></a>नीको लागे वंशीवट तट अभिराम।  
<a id="line-245"></a>नीको लागे सेवा कुंज महारास धाम।  
<a id="line-246"></a>नीको लागे गहवर वन सुखधाम।  
<a id="line-247"></a>नीकी लागे मानसी गंगा ललाम।  
<a id="line-248"></a>नीको लागे कुसुम सरोवर ठाम।  
<a id="line-249"></a>नीको लागे राधा कुण्ड कृष्ण कुण्ड ठाम।  
<a id="line-250"></a>नीकी लागे पीली पोखर अभिराम।  
<a id="line-251"></a>नीको लागेँ निधिवन आदि दिव्य धाम।  
<a id="line-252"></a>नीको लागे माँगेँ ब्रज रज चारों धाम।  
<a id="line-253"></a>नीको लागे यमुना को सलिल ललाम।  
<a id="line-254"></a>नीको लागे वृक्ष बोलें राधे राधे नाम।  
<a id="line-255"></a>नीको लागे खग मृग लखें घनश्याम।  
<a id="line-256"></a>नीकी लागे धेनु जेहि दुहें घनश्याम।  
<a id="line-257"></a>नीकी लागेँ लता कुंज मंजु ब्रजधाम।  
<a id="line-258"></a>नीको लागे लता पता परसत श्याम।  
<a id="line-259"></a>नीेकी लागे ब्रज रज लोटे जामें श्याम।

<a id="line-260"></a>नीकी लागेँ ब्रजरस वारी ब्रजबाम।  
<a id="line-261"></a>नीको लागे ब्रजवासी रटें श्यामा श्याम।  
<a id="line-262"></a>नीको लागे मोर मयूरी बोलें श्याम।  
<a id="line-263"></a>नीको लागे मुक्ति भरे पानी ब्रजधाम।  
<a id="line-264"></a>नीको लागे श्रुति दें बुहारी ब्रजधाम।  
<a id="line-265"></a>नीको लागे गोपी गीत विरहिणि बाम।  
<a id="line-266"></a>नीको लागे पढें़ जब क ख ग घ श्याम।  
<a id="line-267"></a>नीके लागें कम श्याम मधुपुरि धाम।  
<a id="line-268"></a>नीके लागें कम श्याम द्वारवती धाम।  
<a id="line-269"></a>नीको लागे नहिं मोहिँ बैकुण्ठ धाम।  
<a id="line-270"></a>नीको लागे नहिं ब्रह्मानन्द रूप श्याम।  
<a id="line-271"></a>नीको लागे मृत गुरुपुत्र लाये श्याम।  
<a id="line-272"></a>नीको लागे ब्रह्मा देखें सारा जग श्याम।  
<a id="line-273"></a>नीको लागे श्याम तनु जनु घनश्याम।  
<a id="line-274"></a>नीको लागे दिव्य नीलमणि तनु श्याम।  
<a id="line-275"></a>नीको लागे कनक मुकुट सिर श्याम।  
<a id="line-276"></a>नीको लागे मोर मुकुट सिर श्याम।  
<a id="line-277"></a>नीको लागे कारे घुँघुरारे केश श्याम।  
<a id="line-278"></a>नीको लागे तिलक भाल घनश्याम।

<a id="line-279"></a>नीके लागेँ रस ते भरे नैन श्याम।  
<a id="line-280"></a>नीकी लागे नासा बेसर श्याम।  
<a id="line-281"></a>नीकी लागे गल बिच बनमाल श्याम।  
<a id="line-282"></a>नीकी लागे गल बिच गुंजमाल श्याम।  
<a id="line-283"></a>नीकी लागे कंध लकुटि घनश्याम।  
<a id="line-284"></a>नीकी लागे कामरि कंध घनश्याम।  
<a id="line-285"></a>नीकी लागे रोम राजि बाम भाग श्याम।  
<a id="line-286"></a>नीको लागे वक्ष बिच भृगु पद श्याम।  
<a id="line-287"></a>नीकी लागे श्याम कर मुरलि ललाम।  
<a id="line-288"></a>नीकी लागे कटि कछी काछनि श्याम।  
<a id="line-289"></a>नीको लागे पीतपट तनु घनश्याम।  
<a id="line-290"></a>नीको लागे नख शिख रोम रोम श्याम।  
<a id="line-291"></a>नीको लागे ललित त्रिभंगी श्याम।  
<a id="line-292"></a>नीको लागे नटखटपन घनश्याम।  
<a id="line-293"></a>नीको लागे जो भी देखे मोहे छवि श्याम।  
<a id="line-294"></a>नीको लागे जो ना देखे मोहे वेणु श्याम।  
<a id="line-295"></a>नीको लागे गौर तनु श्यामा श्याम।  
<a id="line-296"></a>नीकी लागे श्यामा सिर चन्द्रिका ललाम।  
<a id="line-297"></a>नीकी लागे श्यामा सिर चुनरी ललाम।

<a id="line-298"></a>नीकी लागे श्यामा भाल बिन्दी ललाम।  
<a id="line-299"></a>नीकी लागे श्यामा की नथ अभिराम।  
<a id="line-300"></a>नीकी लागे श्यामा जू की वेणी ललाम।  
<a id="line-301"></a>नीकी लागे कंचुकि श्यामा की ललाम।  
<a id="line-302"></a>नीकी लागे नीलपट श्यामा भाम।  
<a id="line-303"></a>नीकी लागेँ श्यामा कर चुरियाँ ललाम।  
<a id="line-304"></a>नीकी लागे श्यामा कर मेहँदी ललाम।  
<a id="line-305"></a>नीकी लागेँ श्यामा की बिछुवनि पाम।  
<a id="line-306"></a>नीको लागे जावक श्यामा जू के पाम।  
<a id="line-307"></a>नीको लागे भोरापन श्यामा भाम।  
<a id="line-308"></a>नीको लागे कीर्तन श्यामा श्याम नाम।  
<a id="line-309"></a>नीको लागे दिव्य तनु श्यामा श्याम।  
<a id="line-310"></a>नीके लागेँ कुण्डल श्यामा श्याम।  
<a id="line-311"></a>नीको लागे काजर श्यामा श्याम।  
<a id="line-312"></a>नीकी लागे चितवनि श्यामा श्याम।  
<a id="line-313"></a>नीको लागेँ नैन सैन श्यामा श्याम।  
<a id="line-314"></a>नीको लागे मुक्ताहल श्यामा श्याम।  
<a id="line-315"></a>नीकी लागे मुसकनि श्यामा श्याम।  
<a id="line-316"></a>नीके लागेँ मधु बैन श्यामा श्याम।

<a id="line-317"></a>नीके लागेँ गर हार श्यामा श्याम।  
<a id="line-318"></a>नीके लागें कंकन श्यामा श्याम।  
<a id="line-319"></a>नीके लागेँ बाजूबन्द श्यामा श्याम।  
<a id="line-320"></a>नीकी लागे किंकिनि श्यामा श्याम।  
<a id="line-321"></a>नीकी लागेँ पायल श्यामा श्याम।  
<a id="line-322"></a>नीकी लागे हंस चाल श्यामा श्याम।  
<a id="line-323"></a>नीको लागे हैँ “कृपालु” दोउ श्यामा श्याम॥

Original Hindi songs from the supplied standalone Yugal Madhuri edition. This is distinct from Prem Ras Madira's similarly named chapter. Frontmatter retains its own source credits. Supplied edition: Fifth edition, Gita Jayanti, 28 November 2009.

[Previous](https://radhey.shreyam1008.com.np/read/yugal-madhuri/yugal-madhuri-kirtan-045/) · [Next](https://radhey.shreyam1008.com.np/read/yugal-madhuri/yugal-madhuri-kirtan-047/)

[Book contents](https://radhey.shreyam1008.com.np/read/yugal-madhuri/) · [Source editions and protected PDF](https://radhey.shreyam1008.com.np/books/yugal-madhuri/)

Unofficial source transcription. Roman transliteration is not an English translation. No missing meanings are generated.